Nettsamfunn

Eg er ikkje bekymra for privatlivet mitt på nett. Det er fordi ingen av dei eg verkeleg kjenner bryr seg særleg om sosiale medier. Dersom eg hadde hatt ein skare av vener som forventa at vi skulle halde ein vesentleg av kontakten via Facebook, så trur eg at det hadde blitt prat om kva vi skal ha til middag og andre trivielle detaljar frå dagleglivet. Kanskje ville det også bli snakk om private ting av sensitiv karakter, ting som ein i ettertid kan angre på at ein la ut på nettet. Dersom presset til å vere aktiv på Facebook er stort nok, til dømes på arbeidsplassen, kan ein føle seg nøydd til å vere både personleg og privat. Det har liksom blitt sånn i dagens samfunn, med intimitetstyrrani og personfokusering over alt. Det er vanskeleg å halde balansen i dette.

Samtalar om bøker - sosiale bokmerke

For meg var sosiale bokmerke noko nytt, eg hadde ikkje kjennskap korkje til Bokelskere eller LibraryThing.
Eg trur dette er ein fin måte å utveksle meiningar om bøker på, ikkje berre nye bøker, men også bøker som har vore i handelen ei stund. Desse tenestane må kunne brukast til å formidle litteratur; eg laga ei side på Eid bibliotek på LibraryThing. Der kan eg trekke fram nye og gamle bøker og starte diskusjonar osv. Dessutan er det vel viktig å sjå kva folk les akkurat no, og korleis dei vurderer bøkene. På mange måter er det meir (eller minst like) interessant å sjå kva folk flest meiner om ulike bøker som å lese bokmeldingar skrivne av professjonelle anmeldarar.
Eg prøvde Del.icio.us og tagen Literature, dessutan var eg inne på noko som heiter Goodreads, men denne tenesta verkar for uoversiktleg for meg.

Det går sakte men seint framover...

No har eg jobba med emne 4 "Nyheitsstraumar og personlege startsider". Eg har funne ut at Google lesar er ein oversiktleg måte å få fram nyhenda på, på dei sidene og bloggane eg følgjer, og eg klarte å gruppere abonnementa i ei mappe, Litteratur, som inneheld Dagbladet.no - kultur og LibraryThing, og kursbloggane i ei anna mappe. Eg forstår at ein kan abonnere på "grupperingar", dvs. pakkar som er pakka på førehand, t.d. aviser, men dette har eg ikkje gjort. Dagbladet kultur la eg ved ved å klikke på RSS ikonet, og Gamlebanken la eg inn ved å kopiere inn URL-en.
Ein kan vel kanskje ha iGoogle som startside, då vil ein få fram det ein følgjer med på med ein gong, i tillegg til nyhende, vær osv. Men kanskje får ein inn mykje ein er uinteressert i også her.

Andre kursdag - på Skei

På Skei var temperaturen behageleg, og maten godt krydra. Eg fekk gjort det eg skulle, bortsett frå at maskina mi ikkje har nettverkskort (det bør eg få installert) og difor ikkje kunne koblast til nettet. Eg har chatta på G-Talk, sjølv om det gjekk veldig seint. No skal eg sjå på Nyheitsstraumar og personlege startsider og Sosiale bokmerke.

Om kurset

Eg har byrja meir seriøst med kursoppgåvene (betre seint enn aldri), og har lasta ned G-Talk, så no kan eg chatte med dei som har lyst til det. Mi e-posadresse er: tolaasgyri@gmail.com, for dei som vil leggje meg til som kontakt. Eg er elles usikker på kva eg skal bruke denne bloggen til - handlar det om meg eller om biblioteket?

Årets opera

No har eg nettopp vore på årets operaframsyning her på Nordfjordeid, fotballoperaen "Noreg - Brasil".

Legg ved nokre bilete av utstillinga på biblioteket i høve operaen; som de ser fotballdrakter, pokalar m.m.

Ein presentasjon av Eid bibliotek

Kva seier meir enn ord - bilete!

Ein smak av web 2.0

No har eg fått meg blogg, så no kan eg verkeleg spreie visdomen...